скачать песни юты . Весе юты

Весе юты

Бути киньгак марят,
Лангат мерсь беряньстэ,
Бути сельмс теть евтась кельме валт.
Весе, мезе ули, виеть-ежот вансты
Чатьмонемасо кежде идек прят.
Эрьвась соды седе,
Кона марто стака
Кода мель а ванат, а савтови тенст.
Свал стяко авардемс – эрямось кувака.
Нусманясто яказь, ламо потмот ченгсть.

Мороюткось:
Весе юты, весе юты, весе юты,
Ды апаронть прок саласы чадыведь.
Валдо ойме, лембе седей Пазось путы
Ды марясак, кенярксось чачи мекев.

Бути марят, потмот кежей толсо палы,
Бути кедеть сыргси покордыцят лангс
Ледстик тон мелезэть Верепазонь валонть,
Кода сон эйсэнек эрямо тонавтсь:
Апаро теицят, сёвныцят, паницят
Свал эряви вечкемс, паросо пандомс.
Псистэ кисэст озномс, улемс тенст лездыцякс,
Эсь эрямонь крестонть сэтьместэ кандомс.

Мороюткось:
Весе юты, весе юты, весе юты,
Ды апаронть прок саласы чадыведь.
Валдо ойме, лембе седей Пазось путы
Ды марясак, кенярксось чачи мекев.
Весе юты, весе юты, весе юты,
Ды апаронть прок саласы чадыведь.
Валдо ойме, лембе седей Пазось путы
Ды марясак, кенярксось чачи мекев.

Кадык лезды Пазось тенек
Свал вечкемс вейкень-вейкень.